Тез кунларда Тошкент вилоятининг Янгийўл туманида Жанубий Кореанинг яна бир корхонаси ўз ишини бошлайди.
Янгийўл тумани ҳокимлиги ва Жанубий Кореалик инвестор ўртасида ўтказилган музокаралар натижасида туманда Женьшень шифобахш ўсимлигини етиштириш ва қайта ишлаш йўналишида 26 миллион долларлик янги лойиҳа амалга оширилишига келишилди.
Иккала томон вакиллари иштирокида ўтган меморандум имзолаш маросимида лойиҳанинг биринчи босқичига тайёргарлик жорий йилнинг декабр ойида бошланиши ҳақида маълумот берилди.
Шуни ҳам эслатиб ўтамиз, ушбу корхонанинг фаолият бошлаши Ўзбекистонда илк бора бўлмоқда.
